بحبك يا بني

اناواقف اخبط على باب قلوبكم

بالرغم من كل حاجة بحبكم .....


بالرغم من انكم مش شايفنى لكن


أنا موجود حواليكم ...





وعينيا عليكم بحرسكم وواخد بالى منكم ....


كل يوم بستنى أسمع صوتكم .....


لكن أنتم وسط همومكم ومشاغلكم


بتنسونى ...


محدش بيفتكرنى ..



مع انى فاكركم ونقشكم على كفى ...


اناواقف اخبط على باب قلوبكم



لية حتى بتكسلوا تصبحوا عليا اول متقوموا من نمكم


دا أنتوا حتى نسيتوا تشكورنى على انى وقفت ملاك يحرسك طول ما أنتا نايم وسهران عليك بليل



كنت مستنى كل لحظة اقول دقلوقتى هيفتكرنى


لكن تيجى حاجة تشغلك تانى عنى



تفتكر انا استاهل منك دا


تفتكر دا يكون مقابل حبى ليك وموتى عنك



طيب دا أنتا حتى فى مناسبة صلبى وموتى وجلدى واهانتى


بردو مش فاكرنى


صايم وبس علشان الكل ميقولكش عيب انك وانت كبير كدة تفطر


طيب متقوم حتى تصلى صلاة واحدة بتحبها


افتح طيب كتابى واقرا منة اصحاح شوف بقولك اية النهاردة فى


بجد محتاج تفتكرنى


محتاج احس انك فاكر صلبى


محتاج متخليش الشيطان يقف يضحك ضحكة تقطع قلبى ويقول اهم ولادك اللى مت واتصلبت عشانهم


محتاجك يابنى تفكر فيا ولو ثوانى


حتى لو كان فكرك فيا بطلبة عايزها


مش مهم المهم افتكرنى



دا أنا بحبك اوى صدقنى ونفسى تكون معايا دايمآ


دا أنا عمال ابنيلك فى بيتك فى سما عندى وازينهولك بالازهار والورود الجميلة


ارجوك انا تعبت من ابكى على ضياعك


لكن
مش هبكى تانى انا واثق فى ان القلب اللى خلقتة خلقت فيه حنية واحساس بيا
وبجروحى وقريب هتجيلى وانا هفتح دراعى واضمك وارفعك لصدرى


ووقتها هتحس بامان وراحة ملهمش حدود عارف الامان والراحة لية لانك هتحس بحبى ليك وقت مترتمى فى حضنى



بجد انا بحبك ومستنيك ومش هييأس انى انادى كل يوم عليك لانك فى قلبى.بحبك يا بني